هلال 2007
ظلموك اذ سموك يا هذا الهلال هلالا فانت بدر التم في ظلمة الدجي تتلألأ...اذا لعب الهلال فخبروني فإن الفن منبعه الهلال...يامارد افريقيا الصعب بين العرب زاهي الشروق كل ما تواجه وتنتصر لي نصر تاني يجينا شوق...اذا كان في هلال يستحق وبتنطبق عليه كل الابيات الجميله الفاتت دي فبكل هو هلال 2007 ... هلال الطرب والمتعه والجمال هلال الكورة الجميله هلال المدرسة البرازيلية هلال ارعب كل افريقيا بكامل انديتا الكبري لحدي ما اتقال عليهو بطل افريقيا غير المتوج..هلال الكل كان بيتمني يتجنب مواجهتو والكل كان بيخشي زيارة معقلو المقبرة والبيزورها كان ما بيفكر في الفوز اطلاقا بل كان بيفكر انو يطلع منها بي اقل الخسائر ...كتيرين بيشوفو انو اقوي وامتع هلال ظهر في سماء امدرمان طوال التاريخ...ح نفتتح سلسلة جديدة اسمها دافوري من الذاكري ح نتناول فيها ذكريات رياضية جميله مرت علينا ونحكيها ونذكر الناس بالزمن الجميل..واعتقد انو مافي اجمل من اني ابتدي السلسله دي بي هلال 2007...خلونا نرجع بالذاكرة للزمن الجميل ونعيش القصة من بدايتها...حلقة جميله وتاريخية وسرد يخليكم تتذكرو الذمن الجميل وترجعو وتعيشوا اللحظات ديك تاني اوعدكم اوعدكم بي حلقة عظيمة جدا لاني تعبت جدا وانا بعد فيها عشان كدا قبل ما نبدا لازم تعمل لايك وشير للفيديو وتتأكد انك مشترك في القناة ومفعل الجرس ويلا بسم الله نبدأ....
السلام عليكم بكري رويس يحيكم ف اهلا وسهلا ومرحبا بكم...في تصريح لازاعة مونتي كارلو البريطانية قال البرازيلي هيرون ريكاردو :أنا فخور جداً بتدريب الهلال السوداني لذلك أعتبر فترتي مع الأزرق هي الأروع و الأهم خلال مسيرتي التدريبية ، كانت أيام رائعة و ستظل محطة محفوظة في حياتي ....وبكل تأكيد هي ايام ستظل محفورة في ذكريات كل هلالابي يا ريكاردو...ريكاردو اللي قعد 3 سنة وخت لي 100 خط تحت تلاته سنة دي لانو هسي اطول مدرب عندنا بقي يقعد 3 شهور ويقيلوهو ما علينا دا ما موضوعنا...المهم ريكاردو قعد 3 سنة في الهلال قدر يبني فيها فريق قوي ومتجانس وممتع وارعب كل القارة الافريقية حرفيا لانو كان فريق عندو عزيمه واصرار هلال يحب الفوز ولا يقبل الخسارة هلال كان بيحتوي علي اسماء تقيلة جدا هلال كان بيتمثل في فدائية قودوين، وطلقات القناص كليتشي وانطلاقات وعكسيات يوسف محمد... وشجاعة وغيرة هيثم وباصاتو القاتله، هلال تصويبات كرنقو، وقوة الراكز داريوكان الجعلي ياااااه ع الايام ،بما انو جبنا اسماء خلوني اذكر اسماء هلال 2007 لانو انا جسمي قشعر بالجزو السقلتو دا بس...مين البينسي الاسماء دي المعز محجوب - داريو كان - ريتشارد - يوسف محمد - علاء الدين جبريل - عمر بخيت - علاء الدين يوسف - البرنس هيثم مصطفي - مهند الطاهر - قودوين - كلاتشي - حسن اسحق كرنقو وسيف مساوي وحمودة بشير ووو ياااا سلااااام علي الاسماء الكانت بتعشق شعار الهلال وبتغير عليهو وبتقدم الغالي والنفيس وما بتبخل بي قطرة عرق واحدة عشان الشعار....قبل الفترة ديك محليا كان الهلال قاطع الموية والنور علي العرضة جنوب و فايز بي 4 لقب دوري علي التوالي وكمل الخامس في 2007 عشان كدا محليا ما ح اتكلم عن الهلال دا كتير لانو لقب الدوري عندو كان اسهل شرب الموية عشان كدا ح اركز علي الهلال دا افريقيا وافريقيا هلال2007 فعل كل شئ في دوري الابطال وكان الصداع الاول للقارة خاصه في المقبره بامدرمان كان كل فريق ايا كان اسمو وجبروتو بيرتجف من اول لحظة تطأ بيها قدمو المقبرة والمقبرة كانت مقبرة فعلا ما اسم ساي لأنو اندفن فيها كل من زارا...هلال 2007 " اخرج الزمالك المصري في دور ال 32 بعد ما فاز في الذهب في امدرمان بهدفين دون مقابل وفي الاياب في مصر ووسط اكتر من 60 الف مشجع وواحد منهم كان شايل لافته كاتب فيها باي باي يا هلال..بتذكرو لي يوم الليله والله فسيد البلد هو الودا الزمالك في الباي باي رغم تقدم الزمالك الا انو الهلال عاد وبعدفين واحد عن طريق قودوين اللي ختا هدف لوب عالمي خلف عبد الواحد السيد حارس الزمالك هدف بيوريك عظمة قودوين وهدف اخر كان سجلو مواطنو كليتشي والحاجة الما بنساهو انو كليتشي في المباراة دي من شدة ما عذب مدافعين الزمالك فنيلتو اتشرطت اي والله اتشرطت عديل...حليل زمن المحترفين البجد...المهم في دور ال 16 واجه الهلال نسارو النيجيري وفي الذهاب الهلال ما كان في يومو وفاقد لقائدو هيثم مصطفي وخسر بنتيجة كانت صادمة ومفاجئة للجميع 3-0 نتيجة كانت قاسية جدا علي الجماهير الهلالية الا انها كانت واثقة جدا في لعيبتها وامنت بيها وحضرت في مبارات الاياب منذ الساعات الاولي وملأت استاد الهلال عن اخرو ليكافيئها لاعبو الهلال كالعادة في ب أداء بطولي نتجت عنو مباراة الريمونتادا الشهيرة واقصاء ناساروا وتأهل الهلال لدوري المجموعات ودي ح اعمل ليها حلقت من الذاكرة براها ان شاءالله... في دوري المجموعات القرعه وقعت الهلال في مجموعة الموت بجانب الاهلي والترجي واسيك العاجي متخيل معاي تقل المجموعه دي وتقل الاسماء الفيها واسيك كان اسيك في قمة مستواه المهم في جماعهركدا بدو يضحكو بعد القرعه وقالو الهلال ح يتزيل المجموعه و حياخد بالخمسات والستات من الاهلي والترجي واسيك وما كانو عارفين الهلال ح يهزم كل الفرق دي وح يتأهل لنصف النهائي عن جدارة واستحقاق...المهم الهلال افتتح مشوارو بي مواجهة الاهلي. في القاهرة وخسر الهلال بهدفين من الاهلي في مبارة اتعرض فيها ل ظلم تحكيمي هدف فلافيو كان في مخالفة واضحة لو ما خانتني الذاكرة وبرضو من الحاجات الما بتتنسي للاساءه لبرنس الهلال لكن الهلال جا ورد في الاياب باجمل الردود...وفاز عليهو بثلاثية نظيفة سجلها داريوكان وكرونغو بهدف عابر للقارات واختتم قودوين الثلاثية في مباراة فيها من الاحداث ما فيها وح تكون حلقتنا الجاية في من الذاكرة ان شاءالله...بجد مباراة تستاهل حلقة براها انتظروها قريبا...نرجع لي موضوعنا في الموسم داك برضو الهلال قهر العملاق التونسي الترجي فاز عليه اتنين صفر في امدرمان واتعادل معاهو 1-1 في تونس وقهر الاسيك ابيديجان العاجي اتين صفر في امدرمان وخسر بهدف وحيد في ابيديجان ليحتل الهلال المركز التاني في مجموعتو وقهر كبير القارة الاهلي القاهري ليتأهل لنصف النهائي وجها لوجه امام النجم الساحلي .. وبرضو قهر النجم الساحلي اتنين واحد ذهابا ذهابا ولو لا الحظ العاثر و اراده الله لكان الهلال في النهائي ولكن غياب الحارس الاساسي المعز محجوب وغياب قلب الاسد ريتشارد قبل السفر لتونس لمواجهه النجم وابتعادهم عن مرافقه البعثه كانت من الاسباب الكتبت خسارة الهلال تلاته واحد وكان خروج محزن امام الليتوال بعد ان قدم الازرق واحدة اجمل مواسمو البطوله امام... وكلنا بنتذكر بعدها صرح مدرب النجم الساحلي ميشيل وقال التصريح الشهير " الان اخرجت البطل الحقيقي ولا اخشي مواجهه الاهلي في النهائي" وفعلا حدث ان توج الفريق الساحلي باللقب من قلب القاهره في الوقت داك....الهلال كان حل في المركز الثالث وكان مهاجمو قودوين نيديبيسي ثاني هدافين البطولة بالشراكة مع مع التونسي امين الشرميطي ب 8 اهداف وخلف المتصدر موبوتو ب 10 اهداف....رغم خروج الهلال الا انو الجماهير كانت راضية لانو اللعيبة كانت بتقدم اداء جميل داخل الميدان وكان في ترابط بيناتا... هيثم مصطفي في احدي لقاءاتو التلفزيونية قال كنا كل جمعه بندفع شير ونشتري خروف نضبحو ونتلمي نتغدي سوا...ممكن واحد فينا يشتري الخروف دا براهو من جيبو لكن قال كنا بنعمل شير عشان نرسخ الخوة والتعاون برة الميدان عشان كدا كانت بتنعكس فينا جوة الميدان...وفعلا كنا بنشوف كل اللعيبة علي قلب رجل واحد في الحلوة والمرة في الافراح والاتراح في المناسبات ما بتلق لاعب او اتنين بس او شلليات لا بتلقي كل لعيبة الهلال متلمين مع بعض علاقتم الجميلة برة الميدان انعكست علي مستواهم جوا ارض الملعب اداء جماعب عالي بتجرد ونكران ذات لو اي لاعب من الخصب اتدخل تدخل قوي بسيط علي لاعب من الهلال اي كان اسمو بتلقي كل اللعيبة زعلت وبتتحرك عشان تدافع عنو....انا عشتا الزمن داك وبيتنا كان بيبعد عن الاستاد مسافة 5 دقايق بس ابوي كان بياخدني التمارين اللي كان فيها حضور جماهير يكاد يكون قريب للحضور الجماهيري بتاع المباريات..كنتا تدخل التمرين بس بتستمتا فما بالك بالمبارة.....المهم رحل البرازيلي ريكاردو ورحل معاهو هلال 2007 هلال الطرب والجمال وعايز اقول نقطة مهمة جدا قالا ريكاردو في المؤتمر الصحفي بتاعو لمن ودع الهلال بالدموع...قال ريكاردو ان السبب الرئيسي وراء. قرارو ترك الهلال هو عدم وجود منافسات للشباب في السودان وقال المجموعه الحالية دي انا قمتا بتكوينها بنفسي والان معدل الاعمار بدا يرتفع وللاسف لا اري مستقبلا جيدا للفريق وللاسف كلام ريكاردو كان صح ونظرتو بعيدة المدي كانت صادقة جدا وشفنا في السنين البعديها كمية التخبطات المر بيها الهلال ....صراحة هلال 2007 ذكريات جميله جدا ح تظل محفورة من ذهب في ذاكرة كل مشجع هلالي ويبقي السؤال الذي يتكرر في بداية كل موسم هل لنا بهلال اخر كهلال 2007 ؟؟...بس كدا دا كام تقديمي لي حلقة من الذاكرة اليوم الاهم تكتب لي رايك عن الحلقة وذكرياتك الجميله مع هلال 2007 في التعليقات واكيد ح اقرا تعليقك واتفاعل معاهو.. في الختام اذا شايف انن نستحق الدعم عشان نستتمر لازم تنزل تعمل لايك وشير للفيديو وتتأكد انك مشترك في القناة ومفعل الجرس بتشرف جدا بتواصلكم ومتابعتكم لي علي حساباتي في مواقع التواصل الاجتماعي كالعادة كان معاكم بكري رويس من قناة دافوري ...سسسلااااام.......
ياااااه علي الزمن الجميل وزمن هلال 2007 والذكريات صراحة حلقة اثارت شجوني جدا والله وذكرتني ايام جميله جدا ايام الهلال لمن يكون لاعب تفتح الاذاعه الرياضية وتستمتع بي اقوال الصحف بصوت الاستاذ ماذن صلاح امين تستمتع بالبرنامج الصباحي مع المبدعه الاستاذة اسراء عادل وتستمتع بي الفتره الفتوحة ونفرة نصرة الهلال من الاذاعه الرياضية ومشية الاستاد من بدري وانتظار فتح البوابات ياااسلاااام ياخ علي الزمن الجميل......شايفك شايفك يا العجبك التشيرت شايفك عايز اقوليك ما ناسيك انا كنتا وعدكم بي تشيرتات والليله عندي ليكم 2 منها ح يكونو نفس التشيرت الظابط الانا لابسو دا كل العليك انك تفتح رابط حساب علي الانستقرام تحت موجود في الوصف وح تلقي صورتي بالتشيرت دا كل العليك بس تعمل لايك للصورة دي وتتاقي 3 من اصحابك وتتأكد انك عامل لي فلوو كدا انتا دخلتا السحب علي واتمني انك تكون من الفايزين.. منتظر شنو امشب ادخل علي حسابي في انستقرام طوالي...ناس الفيسبوك