السلام عليكم بكري رويس يحيكم ف اهلا وسهلا ومرحبا بكم طبعا انا ما اتكلمتا كتير عن المباراة الاولي لكن انا ك مشاهد مباراة النيجر الاولي وضحت لي حاجتين الحاجة الاولي هي انو نحن في المنتخب ما عندنا اي بدلاء يعني لو لا قدر الله حصلت لينا اصابة لي لاعب او لاابين تلاته ف امورنا ح تجوط شديد...والحاجة التانية الوضحتا لي المبارة انو نجوم المنتخب الاساسين الموجودين هم اللي قاعدين يغطو علي علي المنتخب وعلي الاختيارات الفيها كتير من المجاملات من الجهاز الفني...اتكلمنا كتير عن الموضوع دا وكتير من الناس بتطلع بتدق جرس لكن الانتصارات البعملوها الاساسيين هي قعد تغطي علي المنتخب وبتنسي الناس موضوع اختيارات القائمة دا لفترة موئقتة والي حين اعلان القائمة للمرة الجاية...والمصيبة في الحاجة دي انها قنبلة موقوتة وممكن تنفجر فيك تحت اي لحظة في مباراة مهمة سواء باصابة اكتر من عنصر لا قدر الله او ظروف كرونا اللي العالم بمر بيها وانتو عارفين براكم افريقيا وما فيها عادي جدا ممكن يطلعو ليك فريقك كلو فحصو ايجابي وساعتها ح تكون ضربة قوية جدا لينا...ممكن زول فيكم يقولي ما تحكم من كورة واحدة ف ح اقوليك كلامك صح مافي حكم من كورة واحدة وانا ما بتكلم عن مباراة النيجير بس بل حتي مباراة زاميبيا التانية الخسرناها وضحت لينا نفس الشي وكل ما يغيب لاعب اساسي لي اصابة او غيرو بنتفاجي بي انو مافي بديل ليهو او البديل ما بيقدم نفس مردود اللاعب الاساسي ...الله يكون في العون غايتو نعم بقول وبكرر دايما بندعم اي اسم يتم استدعاو ويلبس شعار المنتخب لكن نتمني انو يكون في شوية عدل ومنطقية في اختيار الاسماء عشان يكون عندنا منتخب قوي جدا في الاسماء الاساسية وحتي كمان البدلاء.. يا ريت كل زول فيكم يعقب علي النقطة دي في التعليقات لانو يمكن يكون كلامي دا غلط وكلامكم انتو صح وانا بقرا كل تعليقاتكم وفي النهاية كلنا عايزين نشوف منتخبنا احسن واقوي منتخب....طيب مبارة الغد مباراة النيجر التانية هي المباراة اللي يجب انو فيلود يلعب فيها بعناصرو الاساسية ال ح يلعب بيها مباريات التصفيات ايو خلاص انتا جربتا بدلائك ووقفتا علي مستواهم والان يجب انو نشوف منتخبنا الاساسب بكامل قوتو واسلحتو امام النيجر لانو والله المبارة الاولي خشينا في احراج شديد الصراحة ومنتخب النيجر استفزانا جدا انا كنتا في الاستاد وشايف الحاصل...فعشان كدا لازم نرد الاعتبار ونظهر هيبة وروح المنتخب في المباراة دي ممكن تقول لي هيبة شنو ودي كورة ودية وبتاع ح اقوليك لا يا حبيب حتي لو كورة ودية في الفترة الاخيرة منتخبنا والله الحمد استعاد هيبتو داخل الميدان والكل بقي يعمل ليهو حساب ف الخسائر في المباريات الودية والظهور بمستوي هزيل بيخصم مننا كتير وبيرجعنا للمربع الاول تاني..والحاجة دي نفسيا مهمة شديد اكيد منتخب المغرب ح يكون خاتي مية اعتبار لمنتخبنا الوطني بعد العروض الشافوها ليهو في مباريات التأهل لي امم افريقيا الاخيرة...مباراة النيجر بتاعت بكرة كلنا نتمني نشوف فيها كل اللعيبة الاساسين ويلعبو بي ثقة ويكسبو ويلعبو ويطمنونا علي المنتخب قبل معارك تصفيات كاس العالم...عايزين نشوف روح وحماس وتحرك ولمسات فنية ولعب ممرحل وبناء من الخلف وهجمات منظمة...العشوائية الكانت في الشوط الاول بتاع النيجر دي اتمني ما نشوفها تاني...منتخبنا في مبارياتو الاخيرة سواء امام جنوب افريقيا او غانا او ساوتومي اة حتي زامبيا وليبا شفنا لبهو شكل واضح ولمسات فنية واضحة وظهرت بصمة فيلود ومنتخبنا بقي عندو شكل اتمني الحاجات دي تتواصل وتظهر لينا في مباراة بكرة...كل اللعيبة نقدر نقول جاهزين باستثناء ارنق اللفي شكوك حول مشاركتو...اطهر انضم للمجموعة من مصر ووصل دبي بالسلامة الحمدلله وغالبا ح يبدا اساسي..حتي ابوعشرين وود الرشيد جاهزين...بس الغايب يس حامد الما انضم للمعسكر و وضحنا ليكم في حلقة قبل المباراة الفاتت...عموما كل الظروف مواتية لانو منتخبنا يظهر بي شكل مغاير تماما من الشكل الظهر بيهو في المبارة الاولي...معسكر علي اعلي مستوي من الانضباط والادوات والظروف المناسبة وتمارين علي ملاعب مميزة...يمكن بس العامل الوحيد الما مساعد هو الجو الحار والرطوبة العالية والحاجة دي تأثيرة واضح جدا كان علي اللاعبين في المبارة الاولي لانو الجو في دبي صعب جدا ولكن تقسيم المجهود واللياقة علي فترات المباراة بتساعدنا اننا نظهر بمستوي بدني ممتاز طوال فترة المباراة وودا شغل المعد البدني...عموما كل التوفيق ل صقور الجديان وخاتين توقعات كبيرة للمباراة دي اداءا ونتيجية المباراة طبعاا في استاد مكتوم بن راشد في الممزر الساعة 6 بتوقيت السودان 8 بتوقيت الامارات بنفس الاشتراطات الصحية بتاعت المباراة الفاتت فئة التذاكر 20 درهم للعادي و35 للمتوسط و100 لل vip دا كان راي انا عن المباراة الاهم تكتب لي رايك انتا في التعليقات واكيد ح اقرا تعليقك واتفاعل معاه.. في الختام اذا شايف اننا نستحق الدعم عشان نستمر