خبر جميل بعودة شعار نادي الهلال وتنازل السيد عصمت عنه .. رغم انه خبر يعتبر مضحك لي أي زول مافاهم القصة وماعارفه بس غالبيتنا عندو الخلفية عن المشكلة شنو بس برضوخليني أقول المشكلة الكانت حاصلة بشكل سريع .. المعروف انو لوقو الفريق الظاهر قدامك دا مع اسم الهلال وشكلو هي مامسجلة باسم فريق الهلال .. ودا يمكن لخطا قديم وقعت فيقهو الإدارات الأولى منذ التأسيس انها ما اهتمت بعملية التسجيل ..
وفي فترة من الفترات لمن جات الإدارة تسجل الشعار اكتشفت انو مسجل باسم شخص .. والشخص دا اللي هو عصمت وبالتالي النادي ما ح يقدر يسجل الشعار دا ك علامة تحارية مملوكة للنادي والحاجه دي طبعا سببت مشاكل كتيرة جدا أهمها عدم القدرة على اسجلاب رعاة للتشيرت او للنادي عمموما او حتى افتتاح متاجر تبيع التشيرتات لانو في النهاية انت مابتملك أي صفة قانونية تسمح ليك بعمل أي استثمار وفي حالة عملت أي استثمار بالعلامة التجارية واسم الهلال كان يحق لعصمت مقاضاة النادي لانو بيملك كل الأوراق الرسمية . دي طبعا هي انتهازية من السيد عصمت مافي شك.. استغل غفلة الإدارات في فترة ما وعمل العملو بدون وجه حق .. بل يمكن استفاد فايدة كبيرة من الاسم في بيع شعارات ومنتجات كانت باسم الهلال .. لكن أخيرا وبعد زمن طويل وبعد محاولات من مجالس سابقة أخيرا تم التوصل مع مالك الشعار لاتفاق قضى بتنازولو عن الشعارللنادي وتم توقيع الأوراق زي ما اعلن الصفحة الرسمية للنادي .. حقيقة دا انجاز يحسب للجنة التسيير القدرت في هدوء تام تخلص الموضوع وتسترد حق النادي المسلوب .. وزي ما انتقدناههم كتير وجب علينا الإشادة بالخطوة الكبيرة العملوها دي .. باسترداد الشعار يحق للنادي التعاقد مع الشركات وفتح متجر رسمي ودي الخطوه البنتمناها نحن المشجعين انو يكون في متجر رسمي في النادي يبيع التشيرتات للجمهور .. ناس كتيرة جدا نفسها الحاجه دي تتعمل واكيد النادي ح يجني منها فائده مادية كويسه جدا .. نتمنى انو الخطوه الجايه تكون المتجر خصوصا انو الفريق مقبل على دوري المجموععات في ابطال افريقيا ولو الفريق رجع يلعب في ستاد الهلال دي حا تكون فرصه كبيرة لبداية المشروع القلناهو دا .. وما اظن في وقت الجمهور فيهو بكون قريب من الفريق اكتر من الوقت الحالي اللي هو قبل بداية المجموعات .. عشان كده بتمنى انو الإدارة تستغل الفرصه دي وتفااجئنا بتعاقد مع شركة تنفذ مشروع المتاجر دي .. وانا متأكد انو ح يلاقي نجاح بنسبة كبيرة .. اما عن التدريب ياسادة كنا نتمنى زي ما تم انجاز ملف الشعار يتم انجاز ملف التدريب بعد اعتذار فريمسينيو عن المواصلة .. لكن الإدارة فاجأتنا بالتعاقد مع مساعد المدرب جواو موتا رسميا لاستكمال المهمة زي ماقالت في الخبر على الصفحة الرسمية .. وتعيين مساعد ريكادو دال يهو تحليلين الأول هو انو الإدارة من وجهة نظرها شايفه انو استجلاب مدرب في الوقت الحالي ضرورو قد يكون اكبر من نفعو وانو حا يحتاج وقت عشان ما يعرف اللاعبين ويتأقلم. على الأوضاع في البلد والفريق مقبل على دوري المجموعات ف شافت انو احسن حاجه تقصر الموضوع وتعيين جواو مدرب للفريق .. لكن طبعا هنا في سؤال مهم ؟ هل السيد جواو فعلا قادر يقود الفريق في المرحلة الجاية ؟ وهل يمتلك الخبرة الكافية لتدريب فريق بحجم الهلال يمتلك جماهير عريضة حا تشكل ضغط كبير عليهو خصوصا بعد سماح عودة الجمهور للملاعب من قبل الاتحاد الافريقي .. نحن نتمنى انو يوفق في مهمتو ومايكون تم اختيارو بسبب الاحتمال التاني ..واللي هو انو تركي ال الشيخ كان متكفل طبعا برواتب الجهاز الفني لريكادو وطبعا طالما اعتذر عن المواصلة وكان على إدارة الهلال انها تجيب مدرب جديد ف لو جابت طاقم جديد احتمال كبير تركي يرفع يدو من الموضوع .. ولانو الأوضاع في البلد مامستقرة اقتصاديا زي ما هي مامستقرة سياسيا ف ممكن الإدارة قالت احسن حاجه نواصل بالطاقم الفني لريكادو عشان نضمن مواصلة دعم ال الشيخ .. دا مجرد تحليل يقبل الصواب ويقبل الخطا .. بس انت رايك ك مشجع للفريق هل فعلا جواو قادر على المهمة وممكن يحقق النجاح مع الفريق ويغير من شكل الأداء ونشوف فريقنا قادر يلعب الكورة الجميلة وقادر يحقق الانتصارات بسهولة لانو صراحة في الفترة الأخيرة الفريق بيعاني جدا في البطولة الافريقية .. وماكان في تطور ملحوظ مع ريكادو وقلنا الكلام دا في الفيديو الفات .. بس عموما كده نحن بعد مرحلة ريكادو دي كنا متعشمين في مدرب خبير في البطولة الافريقية ويكون بيعرفف فريق الهلال ويكون مدرب ليهو اسمو ووضعو .. وذكرنا أسماء زي ميشو مثلا وبرضو في ناس كتيرين بيشوفو انو المدرب التونسي لسعد الشابي كان ح يكون مفيد جدا للفريق في المرحلة الجاية مدرب بيعرف يتعامل مع الأندية الكبيرة وفعلا حقق نتائج مميزة جدا مع الرجاء المغربي عشان كده الناس كانت بتتكلم عنو واتمنت إدارة الهلال تتعاقد معاهو بحكم انو تمت اقالتو مؤخرا من تدريب الرجاء وغيرو في مدربين كتيرين كان ممكن يتعاقد معاهم النادي بس زي ماقلت انو واضح إدارة الهلال حببت فكرة تخلي واحد زي جواو قريب من الفريق وعارف كل شي عنو انو يكون على راس القيادة الفنية .. وان شاءالله يكون على قدر الثقة دي ونشوف معاهو الفريق بيتحسن من مباراة للتانية .. ويمكن دايما مشكلة الأندية الجماهيرية الكبيرة انو المشجعين دايما طموحهم عالي وماحيفهموا ليك أي مبررات في حالة الفشل وإدارة الهلال حاليا بعدم تعاقده مع اسم كبير لقيادة الفريق ختت نفسها يمكن في حتة ضيقة اذا فشل المدرب دا لانو حايكون ضيع على الأقل العشم .. والعشم هنا ما مقصود انو نشيل البطولة الاففريقيبة حاليا لانو قد يكون من المستحيل بالفريق الحالي ناخد البطولة عشان نكون واضحين يعني الا اذا حدثت معجزة وطبعا ربنا قادر على كل شي .. بس المنطق بقول كده لكن قصدي حا يكون ضاع عشم بداية ظهور وعودة قوية للسنوات الجاية .. لينا فترة بعيدين من الأداء المميز والقوي ومستوانا متراجع من موسم لي موسم .. واذا لاقدر الله فشل جواو حاليا دا بيعني الرجوع والبداية من لنقطة الصفر في الموسم الجاي .. اما لو نجح ونمتمنى فعلا انو ينجح دا حا يدينا دفعة كبيرة للتجويد والظهور بمستويات مميزة في السنين الجاية ان شاءالله ..كل التوفيق للفريق في المرحلة القادمة وان شاءالله نشوف هلال مختلف هلال زي ما نتمنى .. بس كده دا كان فيديو الليله وكالعادة ياريت تكتب لي في التعليقات وتقول لي رايك شنو تعيين جواو خلفا لريكادو وهل ممكن يصيب النجاح خصوصا انو ماعليهو ضغط كاسم يعني
عثمان تحليلك رائع ومنطقى وأنت هلالى ناضج لك التقدير بالنسبة ل جو مدرب قدير عمل فى البرازيل فى الأندية المصغرة احضرة ريكاردو لمعرفة بامكانياتة ليه دور كبير فى الفترة السابقة ولا يقل ان لم يزد عن الذين ذكرتهم وعنده قبول وسط اللاعبين بيان بالعمل يوف يحقق نتائج باخرة وعنده دافع قوى جدآ لذلك اتوقع له نجاح باهر
إرسال ردحذف