قبل فترة كده صرح نائب رئيس لجنة التسييير السيد الطاهر يونس في نادي الهلال قال انو المدرب اخبر تركي ال الشيخ بعدم الاستمرار وقال انو نتمنى فوزو بالدوري يخليهو يعدل عن قرارو .. وفعلا بعد الكلام دا بكم يوم شفنا عضو المجلس المعيقلي اجتمع مع المدرب وقال انهم قرروا الاستمرار مع الفريق واستكمال المشروع .. قلنا كويس برضو الاستقرار الفني مهم على الأقل في الفترة الجايه دي لانو أصلا البلد كلها ما مستقرة واي عدم استقرار في النادي في الوقت دا ح تكون ليهو عواقب وخيمة .. لكن تعالو نشوف هل فعلا المدرب دا اذا مشى حا يكون عليهو اسف ؟ وهل قدمم الشي الكان متوقع منو ؟ ولا المدرب خبير وكل شي بس لاعبنا السوداني هو المعضلة ؟ ولا المدرب واللاعب السوداني كويسين والمشكلة في ادارتنا ؟ حانناقش الكلام دا في فيديو الليلة بس كالعادة بذكرك باللايك والشير والاشتراك في القناة .. وبالمناسبة اكتر من ٨٠ من الناس البتشاهد الفيديوهات غير مشتركين دي احصائيات القناة بتقول كده ف ياريت تشترك الموضوع مابكلفك شي .. ويلا نبدا على بركة الله .. لمن جا البرتغالي ريكادو للهلال ناس كتيرة كانت شايفه انو حا يعمل نقله في الفريق بحكم انو جاي من منبع كورة القدم .. كان مساعد لمورينيو في توتنهام ودا كفيل انو المدرب حا يكون ملم بكل أساليب التدريب الحديث .. وحتى ادارتنا حا تتعامل معاهو بطريقة مختلفه وتحاول تديهو كل الحرية في اختياراتو في التشكيل او استجلاب اللاعبين ..خصوصاا انو الموضوع كلو كده على بعضو مجلس الهلال ماخسران فيهو شيل انو المدرب بيقبض من ال الشيخ
ف طالما مابتدفع انت ما ح تقدر تتحكم فيهو صح ؟ دا غير انو زي ماقلت الراجل كان مساعد لمورينيو .. المهم نحن ك مشجعين بهمنا الأداء يكون قوي ومقنع خصوصا في البطولة الافريقية . الدوري الممتاز دا باي مدرب ممكن تاخدو وممكن بدون مدرب .. لانو المنافسة المحلية حقتنا ضعيفة جدا ف ابدا ما ح تكون مقياس لاي مدرب اجنبي او محلي ولا حا نعتمد نتايجه ونقول ياسلام ياخي والله المدرب دا ناجح لانو جاب الدوري ..النجاح الحقيقي والمحك الحقيقي في دوري ابطال افريقيا . ودا نحن الحا نحكم علي المدرب بيهو .. تقريبا ركاردو استلم الهلال قبل مباراة صنداونز التانية في دوري المجموعات الموسم الفات .. ومن بعد المباراة دي لعب تقريبا خمسة مباريات قدام مازيمبي وخسره ومباريتين قدام فاسيل الاثيوبي واتعادل فيهم الاتنين ومباريتين قدام ريفرز النيجيري فاز في وحده واتعادل في وحده .. يعني من سته مباريات افريقية اتعادل في أربعة خسر واحده وكسب واحده اللي هي اخر مباراة كانت في القاهرة ومنها اتاهلنا لدوري المجموعات ..احصائيات صراحة اقل من عادية .. لكن خلينا نقول يمكن في عوامل ماساعدت المدرب واهم العوامل دي عدم وجود محترفين في الفريق لانو زي ماعارفين الهلال استغنى عن كل المحترفين الكانو موجودين عدا المدافع اوتارا .. ف قد يكون سبب عدم ظهورالفريق ببمستوى مقنع افريقيا هو عدم وجود محترفين ..خصوصا انو في خانات كتيرة بينقصها اللاعب الممكن يحدث ليك الفارق .. او اللاعب الممكن تكون مطمئن بوجودو في الففريق انو ممكن في أي لحظة يحسم ليك النتيجة .. واكتر لاعب الفريق محتاجو هو اللاعب البصنع اللعب .. الفريق بيعاني حرفيا في صناعة اللعب لانو خط وسط الفريق البيشارك دايما في المباريات زي ابوعاقلة او الشغيل او صلاح عادل او والي الدين كلهم أصحاب نزعه دفاعية ..اما نزار حامد وعبدالرؤوف ف واضح انهم ما قدروا يقنعوا المدرب بمستواهم ..عشان كده الفريق ظل يعاني من الموضوع ..كل التوققعات ويمكن حتى المدرب نفسو كان متوقع مع بداية التسجيلات دي حا يكون في تدعيم قوي للفريق لانو العناصر الموجوده حاليا دي امكانياته الشايفاها الناس وما اظن ممكن تتطور اكتر من كده لو ما تمت إضافة نوعية لاعبين مختلفين . واعتقد انو واحده من الأسباب القوية الخلت المدرب يقرر عدم العودة هي التسجيلات التمت رغم انو كل أعضاء المجلس قالوا دي اختيارات المدر ب.. وهنا في سؤال ليك ياعزيزي .. هل تعتقد انت ك مشجع للهلال هل التسجيلات الحالية دي اختيارات المدرب ؟ وهل المحترفين ديل مممن اختيارو برضو وانهم اسمماء فعلا ممكن تحدث النقلة البنتكلم عنها ؟ جاوب علي في التعليقات .. ف اعتقد انو عدم تلبية طلبات المدرب في االاحلال والابدال هي سبب في ابتعادو .. السبب التاني فعلا البلد واوضاعه الغير مستقرة ممكن تكون واحده من الجوانب والأسباب الخلتو يقرر الابتعاد .. لكن خلينا اسي من أسبابو ومهما كانت في النهاية لو مامشى السنه كان ح يمشي السنه الجاية .. لكن المهم هل للمدرب دا بصمة واضحة وظاهرة في الفريق ... هل قدم مستويات حتى وان كان عندو نقص في اللاعبين هل كنا بنحس انو ممكن الأداء يتطور والفريق مستواه يتحسن .. انا من وجهة نظري الخاصة لا ..رغم انو اتكلمنا كتير انو لازم ياخد الفرصه الكافية وانو خبير مافي شك وانو لاعبناالسوداني فقير تكتيكيا ودي كلها عوامل تفشل أي مدرب .. لكن نحن عندنا تجارب سابقه مع مدربين عرفو كيف يطلعوا الدايرنو من لاعبنا السوداني دا .. اكيد النسخه الحالية من لعيبة الهلال ما احسن نسخه مرت على الفريق لكن فيهم لاعبين مميزين وممكن لو لقت مدرب صاح يقدر يطلع منهم مستوى مرضي للناس ..نحن متاجين صراحة نوعية المدرب الحماسي البحمس اللاعبين اكتر مما يكون مدرب تكتيكي .. لاعبنا بسرح وبنسى وبندفع .. عشان كده لمن يكون في مدرب بيدفع اللاعبين ويتم ليهم الناقص حماس دا هو البنجح معانا .. زي كلارك مثلا ..اما المدرب البخت التكتيك بس ويمشي يقعد في الكنبة دا مابنجح معانا .. لاعبنا ضعيف زي ماقلنا في التكتيك ولو ماساعدتو بالتوجيه المستمر ما تلقى منو نتائج مرضية .. ويمكن واحده من عيوب ريكاردو انو ما المدرب المنفعل او المدرب البيقيف على الخط ويوجه طول زمن المباراة .. طبعا لي كل مدرب فلسفتو وطريقتو وومكن تكون فيهو مميزات تانيه انا ماعارفه بس دا رايي انا وفهمي للاعبنا انو محتاج نوعية المدربين الحماسيين القلناهم ديل .. وفي رايي طالما المدرب دا قرر يمشي مانضيع زمننا ساي ونحنسو عشان يرجع .. هو شايف الوضع في البلد مامستقر وماحيقدر يجي طوالي نشوف غيرو .. كده كده انا مقتنع انو ما حيطول كان مع الفريق بعد الإضافات الحصلت دي .. نشوف ميشو نشوف كلارك نشوف أي مدرب درب في اففريقيا وعارف الأندية دي وعارف اللعب الافريقي لانو الحاجه دي مهمة جدا .. ومفترض إدارة الهلال تكسب زمنها من اسي وتجيب المدرب الجديد عشان يكون عندو فترة كافية يعد الفريق للبطولة الافريقية بدل ما ننتظر في الفاضي