اهم عامل في المباراة دي هو العامل النفسي وايمان اللعبين بحظوظهم في التأهل وقمدي قدرة فلوران يبينجي في زرع الايمان دا في داخلهم وجعلهم متيقنين من التأهل ودي اهم حاجة في المباراة ..سيبك من التشكيل والعناصر والحظ وغيرو ...لاعبي الهلال اذا ما دخلو مؤمنين بحظوظهم في التأهل لن نتأهل علي الاطلاق حتي لو لعب الترجي بالبراعم...دي نقطة واحد انتهينا منها...

نقطة رغم اتنين حاجة لازم نستغلها وهي انو ما عندنا ما نخسرو ...هي مجرد 90 دقيقة يا فزنا واتأهلنا يا خسرنا او اتعادلنا وطرنا...ونقطة اتعادلنا وطرنا دي هي الحتقودني للنقطة التالته اللي ح اتكلم فيها لانك ح تبداء المباراة وانتا خاسر التأهل والترحي ح يبدا الكورة وهو متأهل وكل ما تمر دقيقة من غير تسجيلك لي اهداف فدي بتزرع الثقة في لاعبي الترجي وبتذرع الشك في لاعبي الهلال وبتقلل الضغط من لاعبي الترجي وبتذيد الضغط علي لاعبي الهلال وبتذيد التركيز عند لاعبي الترجي وبتقلل التركيز من لاعبي الهلال...عشان كدا بالنسبة لي اهم دقائق المباراة هي الربع ساعة الاولي والربع ساعة الاخيرة برضو لكن دي خلوها بنجيها بعدين....الربع ساعة الاولي القعد يقولا البرنس هيثم مصطفي دايما دي بكرة ح تنطبق حرفيا علي الهلال...

لا بد ببدايتها بنفس الشراسة الهجومية بتاعة مباراة الذهاب في تنزانيا ولا بد تحسس الترجي دا انك ما جاي تتفرج وتداف وتنتظر ليك مردتدة... لالا انا جاي افوز عليك عديل في ملعبك عشان استحق التأهل...ومافي ما يمنع لانو الربع ساعة الاولي لمن اكتملت في مباراة تنزانيا نحن كنا داقين الترجي دا اتنين صفر غير الفرص الضاعت...

نجي لي موضوع العناصرالشايف من وجهت نظري انها مفروض تبدا و اتكلم بي وضوح زي ما عودتكم دايما...حراسة المرمي فوفان دي ما دايرة اي نقاش...باك يمين ايبيويلا وباك شمال خادم دياو دي ما ديارة اي نقاش برضو ...قلوب الدفاع اولهن ميندي ودي ما دايرة اي نقاش بعدما اثبت نفسو بجدارة في الكورة الفاتت ...يبقي فاضل لينا قلب الدفاع التاني وبالنسبة لي اذا ضيوف جاهز بنسبة مية في المية فيبدا علي طول اساسي اما اذا ما حاهز فيبداء الطيب عبد الرازق ودا ما تقليل من الطيب بالعكس الطيب كان نجم المباراة الفاتت ولكن الطيب عبد الرازق في المباريات الخارج الارض ولفيها ضغط جماهيري الطيب ع الرازق بفقد تركيزو وبسرح والحاجة دي ضقناها منو كتير...دا سبب تفضيلي لي ضيوف علي الطيب ع الرازق اذا جاهز ....ثلاثي الوسط بوغبا وصلاح عادل وابوعاقلة..دا الثلاثي ال ح يأمن ليك وسط الملعب..ابوعاقلة نعم كان سئ المباراة الفاتت ولكن ابو عاقلة من اللعيبة الصعب يكون سئ في كورتين ورا بعض ...

المقدمة الهجومية بابي عبدو وجان ملود والغربال...ح تقول لي كيف الغربال وبابي عبدو مع بعض ح اقوليكاولا انتا محتاح للفوز والاهداف وتانيا بابي عبدو لازم يبدا الكورة دي اساسي باي تمن وتالتا الغربال بنزل تحت كتير + انو غير مميز في الرأسيات عشان كدا بقوليك انو بابي عبدو وجودو في المباراة دي من البداية مهم جدا حتي اهم من الغربال وعادي جدا كان اقوليك الغربال اذا ما بدا اساسي ما بفرق معاي لكن الموضوع بفرق في انو غربلة معرف لي لاعبي الترجي وجهازو الفني ومحللي الاداء عشان كدا ح يكون معمول ليهو الف حساب  ورقابة ودا معناهو انو ح يكتف ليك مدافعي الترجي من التقدم...

نجي للترجي البلعب بدون ضغوط وخاشي بي فرصتين ودا سلاح ذو حدين طبعا ولكن الترجي ابدا ما حيلعب متراخي ...موضوع الفرصتين دا ما يغشك وتعتقد انو الترجي ما حيدخل المباراة من اجل الفوز لالا يا عزيزيي الترجي ح يدخل المباراة دي عشان يفوز لانو في حالة بترو اتلتكو اتعثر امام النجم فالترجي عندو فرصة يتصدر المجموعة ويتجنب مواجهة المتصدرين في دوري ال8 عشان كدا اياك تتوقع انو الترجي ح يجي يلعب ليك مقفل ورا ومتراجع 

طبعا معروف انو تاريخيا الترجي متفوق علي الهلال باكتساح كبير في مباريات تونس والهلال لم يسبق له العودة بالفوز من ملعب الترجي ابدا..فننتظر بكرة ونشوف هل الحاجة دي ح تحصل ولا لا...الهداف التاريخي للهلال في شبام الترجي هم قودوين وطمبل بالتساوي 3 اهداف لكل